பா.ஜ.க. பிரதமர் வேட்பாளர் நரேந்திர மோடி இன்று காலை கட்சியின் மூத்த தலைவர் அத்வானியை நேரில் சென்று சந்தித்து பிறந்தநாள் வாழ்த்து தெரிவித்தார். இது தவிர ட்விட்டர் இணையதளத்திலும் : அத்வானி அவர்கள் பிறந்தநாளுக்கு வாழ்த்துகள். அவர் எப்போதுமே எங்களுக்கு ஒரு சிறந்த முன் உதாரணமாக இருந்துள்ளார். இவ்வாறு மோடி தெரிவித்துள்ளார்.

உ.பி. பரைச்சில் இன்று பா.ஜ.க. பிரச்சாரத்தில் கலந்து கொள்கிறார் நரேந்திர மோடி. விமானநிலையம் செல்லும் முன்னர், அத்வானியை அவரது 86-வது பிறந்தநாளை ஒட்டி நேரில் சென்று சந்தித்து பூங்கொத்து கொடுத்து வாழ்த்தியதோடு சுமார் 15 நிமிடங்கள் அவருடன் ஆலோசனை நடத்தினார்.